Royal Enfield Himalayan 450: புது என்ஜின், புது சேசிஸ், புது டெக்னாலஜி எல்லாமே புதுசா இருக்கு! – சமயம் தமிழ் (Samayam Tamil)

புதிய ஹிமாலயன் பைக் ட்வின் ஸ்பார் ஸ்டீல் டியூபுலர் பிரேம் கொண்டு கட்டமைக்கப்பட்டுள்ளது. கூடுதலாக போல்ட் ஆன் சப் பிரேம் வசதி உள்ளது. சிறந்த ரைடிங் திறனுக்கு உதவும் வகையில் பைக்கின் எடை குறைக்கப்பட்டுள்ளது. இதனால் ஆப் ரோடிங் சமயங்களில் சிறந்த ரைடிங் அனுபவம் மற்றும் பேலன்ஸ் கிடைக்கும்.
அட்வென்ச்சர் பைக்கை போலவே தோற்றம் கொண்டிருந்தாலும் நன்றாக பார்த்தால் இது ஒரு புதுமையான டிசைன் கொண்டிருக்கிறது. பழைய ஹிமாலயன் பைக்கிற்கும் இதற்கும் நிறைய வித்யாசங்கள் உள்ளன. சூப்பர் மீடியோர் 650 பைக்கில் இருக்கும் அதே LED ஹெட் லைட், LED இண்டிகேட்டர், பெரிய 17 லிட்டர் பியூயல் டேங்க், சிறிய டைல் லேம்ப் உள்ளது.
இதில் 452cc சிங்கள் சிலிண்டர் லீகுய்ட் கூல்டு DOHC என்ஜின் உள்ளது. இதன் பவர் 40.2 PS மற்றும் டார்க் 40NM ஆகும். இதனுடன் 6 ஸ்பீட் கியர் பாக்ஸ் வசதி, ஸ்லிப்பர் அஸ்சிஸ்ட் கிளட்ச் ஆகியவை உள்ளன.
பைக்கில் ஒரு 4 இன்ச் TFT கலர் டிஸ்பிளே, ஸ்மார்ட்போன் கனெக்டிவிட்டி, நேவிகேஷன், கூகுள் மேப் வசதி, ரைட் பை வயர் உடன் நான்கு வகையான ரைடிங் மோட் வசதிகள் இருக்கின்றன. இதனால் சிறந்த திறன் மற்றும் மைலேஜ் கிடைக்கும்.
பைக்கின் முன்பக்கம் USD போர்க், பின்பக்கம் ப்ரீலோட் அடஜஸ்ட் மோனோ ஷாக் வசதி, முன்பக்கம் 320mm டிஸ்க் மற்றும் பின்பக்கம் 270mm டிஸ்க் பிரேக் வசதிகள் உள்ளன. கூடுதலாக இதில் ஸ்விட்ச் ABS வசதி, 21/17 இன்ச் ஸ்போக் வீல் இருக்கிறது.
இந்த பைக்கின் எதிர்பார்க்கும் விலை 2.5 முதல் 2.7 லட்சம் ரூபாய் (எக்ஸ் ஷோரூம்) விலை ஆகும். இந்த பைக் உருவாக்கப்பட்டு இத்தனை மாதங்கள் உலகில் உள்ள பல்வேறு மிகசிறந்த அட்வென்ச்சர் ரைடர்களால் சோதனை செய்யப்பட்டது. இதனால் நிச்சயம் இதுவரை ராயல் என்பீல்ட் நிறுவனத்தின் அட்வென்ச்சர் பைக்குகளிலேயே சிறந்த படைப்பாக இருக்கும்.
​Google News Follow : கூகுள் செய்திகள் பக்கத்தில் Samayam Tamil இணையதளத்திற்கு செல்ல இங்கே கிளிக் செய்யுங்கள்.. உடனுக்குடன் செய்திகளை பெறுங்கள்.

source